Жаңа Конституция

Бүгін Қазақстанда жаңа Конституция қабылданып, ел дамуының жаңа кезеңі басталды.

Бұл құжат тек заңнамалық өзгерістер жиынтығы емес, мемлекеттің саяси және институционалдық жүйесін түбегейлі жаңғыртуға бағытталған тарихи қадам болды.

Алдағы парламенттік сайлаумен қатар заң шығару процесінің синхронды жүргізілуі – мемлекеттің реформаларды жүйелі әрі дәйекті түрде жүзеге асырып жатқанын көрсетеді. Құқықтық базаны жаңа саяси кезең басталғанға дейін толық қалыптастыру – бүкіл реформаның легитимдігі мен қоғам сенімінің негізгі кепілі.

Жаңғыру кезеңі асығыстыққа да, созбалаңға да жол бермейтін теңгерімді қарқынмен жүзеге асуда. Бұл – өзгерістердің сапалы әрі орнықты болуына бағытталған жауапты ұстаным. Қазіргі реформалар тек сыртқы өзгерістермен шектелмей, мемлекеттік басқару жүйесінің архитектурасын жаңартылған Конституция құндылықтарына сай қайта құруды көздейді.

Билік институттарын құрылымдық және кадрлық тұрғыда жаңарту – жаңа буын кәсіби мамандарға жол ашады. Олар ашықтық, есеп берушілік және қоғам мүддесіне қызмет ету қағидаттарын басшылыққа алатын мемлекеттік қызметтің жаңа моделін қалыптастыруға тиіс.

Сайлау мен заңнамалық реформалардың қатар жүруі өзгерістердің сабақтастығын қамтамасыз етеді. Яғни жаңа құрам алғашқы күннен бастап дайын құқықтық кеңістікте жұмыс істеп, жүйені қайта құруға емес, оны тиімді іске асыруға назар аударады.

Алдағы ауқымды өзгерістер қоғаммен ашық диалогты талап етеді. Әрбір азамат реформалардың мәнін түсініп, оның ел басқару сапасын арттыруға бағытталған нақты қадам екенін сезінуі маңызды.

Жалпы алғанда, Қазақстандағы бұл кешенді трансформация – тарихи мүмкіндік. Оның басты мақсаты – жеке тұлғаларға тәуелді емес, кез келген жағдайда тұрақты жұмыс істейтін тиімді мемлекеттік институттарды қалыптастыру.